AG 2017

Wéi all RL-Member schonn normalerweis mat der Invitatioun per Post matgedeelt krut, ass d’Assemblée generale vum RL Sonndes den 12. Mäerz um 16:00 zu Gonnereng. Wéi déi lescht Joeren ass dat ganzt och mat engem Iessen no der AG kombinéiert. Denkt och w.e.g. dru fir iech bis den 4. Mäerz fir d'Iessen unzemellen ( oder per Telefon beim Vize-President).

De QSL Bureau wäert och op der Assemblée generale présent sinn, eis Membere kennen hier Kaarten also do ofhuelen respektiv ofginn.

LX8SAR: SAARLORLUX-Frëndschaftstreffen 2016

D’SaarLorLux Treffen vu Freides den 17. bis Sonndes den 19. Juni zu Weicherdang am SNJ-Jugendzentrum wor e groussen Erfolleg.

Et ass schonns e Freideg de Moien lass gaangen mat Antennen opriichten. Am fréie Mëtteg wor alles prett an d’Ruffzeechen LX8SAR ass op allen Kurzwellebänner an op UKW (6m - 70cm) zum Asaz komm. Nët manner wéi 5 Statiounen woren mateneen on Air a Phonie, CW a PSK. Samschdes moies wor e flotten Tour mam Solarboot um Stauséi organiséiert ginn, wou mer eisen auslänneschen Gäscht aus DL, F an PA eist flott Éislek konnten weisen.

Samschdes Mëttes konnte mer niewent villen aneren Visiteuren och den DARC-Distriksvorsitzender vum Saarland, den Eugen Düpre DK8VR begréissen. Samschdes owes wor e grousst Hamfest, wou de Schwenkgrill bal ze kleng wor fir di vill Gäscht ze bekestigen. Duerno huet den Heinz Nauerz DK4XC eis eng flott  Presentatioun gemaach iwwert d’Frëndschaftstreffen, déi säit 1969 vum OV Sulzbach-Fischbachtal Q08  mam RL organiséiert ginn.

Sonndesmoies wor LX8SAR nach bis an d’Mëttesstonn QRV, ir dunn eng Antenn no der anerer erëm ofmontéiert goufen an d’Leit sech erëm op den Heemwee gemaach hunn.

(Rapport: LX1JX)

Album LX1CU

Ham Radio 2016

Lëtzebuergesch Wéi déi lescht Joeren ass den RL och dëst Joer rëm mat engem flotte Stand mat e puer Neierungen op der HamRadio zu Friedrichshafen vertrueden.

Den DVC Working Group stellt ebenfalls seng nei Entwéckelungen op der Platz vir.

D’Ausstellung um Bodensee ass vu Freides dem 24. bis Sonndes dem 26. Juni. Dir sidd all häerzlech Wëllkomm eis op de Stand A1-750 an der Hal A1 besichen ze kommen.

English Like the previous years, the RL is participating from the 24th to 26th June 2016 at the Hamradio fair in Friedrichshafen.

Feel free to visit us at our stand A1-750 in hall A1 where you can get an insight to the new developments from our digital voice group.

SaarLorLux LX8SAR

D’SaarLorLux Treffen ass dëst Joer vu Freides dem 17. bis Sonndes dem 19. Juni zu Weicherdang am Jugendzentrum. Eis Membere si wëllkomm fir do ee flotte Weekend mat de Kollegen aus der Groussregioun ze verbréngen, oder si dohi besichen ze goen. Et wäert natierlech eng Statioun opgeriicht ginn, fir QSOen op deene verschiddene Bänner ze maachen. Falls dir och am Jugendzentrum wëllt schlofen, kennt der iech beim Heinz DK4XC () mellen.

Méi Informatioune fannt dir och op der Homepage vum OV Q08 www.darc.de/distrikte/q/08/ .

RL Grillfest de 5. Mee 2016

Wéi déi lescht Joeren ass och des Kéier rëm op Christi Himmelfahrt d’Grillfest vum RL zu Eesebuer, mat verschiddenen techneschen Demonstratiounen.

Dat ganzt wäert um 11 Auer lass goen a fir Iessen an Drénke wäert gesuergt sinn.

Mellt iech w.e.g. bis spéitstens den 1. Mee per Mail beim Secrétaire un (), dass mir ongeféier wësse fir wéivill Leit mer Gegrills besuerge mussen.