2017

  • AG 2017

    Wéi all RL-Member schonn normalerweis mat der Invitatioun per Post matgedeelt krut, ass d’Assemblée generale vum RL Sonndes den 12. Mäerz um 16:00 zu Gonnereng. Wéi déi lescht Joeren ass dat ganzt och mat engem Iessen no der AG kombinéiert. Denkt och w.e.g. dru fir iech bis den 4. Mäerz fir d'Iessen unzemellen ( oder per Telefon beim Vize-President).

    De QSL Bureau wäert och op der Assemblée generale présent sinn, eis Membere kennen hier Kaarten also do ofhuelen respektiv ofginn.

  • ARDF Event am August

    Den ARDF Working Group informéiert, dass och dëst Joer rëm eng national Fuussejuegd organiséiert gëtt. Den Datum steet scho fest, et ass Sonndes den 20. August. Dëst ass e bësse méi spéit wéi d’lescht Joer, mee och wéi d’lescht Joer sollt se rëm no de HAM RADIO zu Friedrichshafen sinn, dass intresséiert Leit sech do nach eventuell kéinten ee passenden Empfänger oder Literatur besuergen. D’Messe zu Friedrichshafen ass dëst Joer jo bekanntlecherweis ee Mount méi spéit wéi di Jore virdrun. D’Fuussejuegd wäert rëm am 80 Meter Band organiséiert ginn. Weider Detailer wäerten op der Homepage publizéiert ginn, soubal ze fest stinn.

    Als Preparatioun fir des Fussejuegd wäerte mer während dem ClubOwend vum Juni, also Freides den 30. Juni ab 19:30 een ARDF Workshop organiséieren, wou intresséiert Memberen souwuel eng theoretesch wéi och eng kleng praktesch Introductioun an d’Fuussejuegd kréien. Leit déi een eegenen Empfänger hu kennen dee mat bréngen fir en ze testen, fir déi aner huet den RL e puer Geräter zur Verfügung.

  • Examen

    Dëst Joer hate sech 14 Kandidaten fir de Funkamateur-Examen deen den 23. Januar beim ILR ofgehal ginn ass ugemellt, wouvun der 12 sech presentéiert hunn. Dëst waren der 7 fir d'HAREC-Lizenz an 5 fir d'NOVICE-Lizenz.

    Demnächst wäerten 6 nei HAREC Amateuren op de Bänner ze héiere sinn, an 3 Novicen. 2 Novicen an 1 HAREC krute leider een Noexamen.

    Mëttlerweil krute mer e puer Ruffzeeche matgedeelt déi wäerten assignéiert ginn, d’Lizenze sinn de Moment wou desen Artikel geschriwwe ginn ass awer nach net ausgestallt:

    • Valérie LX1SV
    • Tom LX1TP
    • Antonio LX1VS

    Dat neit Reglement F16/02/ILR vum 18. Mäerz 2016 vum ILR iwwer d’Prefixen ass och dëst Joer fir déi nei Ruffzeechen applizéiert ginn.

    Mir wënsche si all wëllkomm am neien Hobby.

  • Lizenzen vum ILR

    Lëtzebuergesch Den ILR hat jo ee gewëssene Retard annoncéiert fir déi erneiert Lizenzen ze verschécken fir déi ze ersetzen déi Enn 2016 ausgelaf sinn. Mëtt Mäerz misste lo awer all d’Lizenze bei de betraffenen LX-Amateuren ukomm sinn. Falls een nach keng Lizenz-Käertche geschéckt krut, soll e sech direkt beim ILR oder beim Comité vum RL mellen, fir ze kucken wat do schief gelaf ass.

  • LX HF Marathon 2017

    Lëtzebuergesch Den RL invitéiert erëm all seng Memberen nees beim LX HF Marathon 2017 matzemaachen.

    English The "Radioamateurs du Luxembourg" (RL) invites all its members to participate in the 2017 edition of the LX HF Marathon.

    Français L'association "Radioamateurs du Luxembourg" (RL) invite tous ses membres à participer à l’édition 2017 du LX HF Marathon.

    English Rules (pdf)
    Français Règlement (pdf)

  • LX0DRD bis ob weideres QRV vun Blaaschent aus

    Gëschter am Laf vum Moien ass en Camion vun engem Entrepreneur während Bauaarbechten an den Sendemast vum LX0DRD zu Dippëch gerannt. Dorops hin ass den Mast emgefall.
    Well nët gewosst ass wéini mir deen Site nees kënnen exploitéieren huet eisen DVC working group den Relais zu Blaaschent um Site vum LX0DML nees an Betrib geholl.

    Vun hei aus en décken Merci un déi Leit, déi eng Hand mat ugepaackt hunn fir dass den LX0DRD nees konnt esou schnell online goen.
    Och en ganz besonnegen Merci un den ILR déi eis schnell an onbürokratesch eng provisoresch Lizenz accordéiert hunn fir den LX0DRD zu Blaaschent däerfen ze bedreiwen.
    Duerch den Ausfall vum Site Dippëch ass och den HAMNET Link vum LX0DRV ennerbrach, sou dass dësen Relais temporaire nët um D-Star Netz hängt. Mir kucken awer fir esou schnell wei méiglech eng nei Link Streck op den Ronnebësch ze kréien.
    D' Couverture vun Blaaschent aus ass nët schlecht, allerdéngs sinn duerch den Ausfall vun Dippech grouss Deeler am Süden vun eisem Land nët méi an D-Star ofgedeckt.

    Den DVC sicht och hei no enger Léisung.Weider Biller vum Mast fannd dir hei.

  • Membersbeitrag - Cotisation - Membership fee 2017

    Lëtzebuergesch Iwwerweist w.e.g. är Cotisatioun fir 2017 op den CCP vum RL a vergiesst nët äre Numm a Ruffzeechen mat unzeginn.
    Français Merci de bien vouloir effectuer le virement pour votre cotisation 2017 au CCP du RL sans oublier de mentionner votre nom et indicatif d'appel.
    Deutsch Bitte überweisen Sie den Mitgliedbeitrag für 2017 auf das Postscheckkonto des RL und denken Sie daran ebenfalls Namen und Rufzeichen mit anzugeben.
    English Please transfer your membership fee for 2017 and don't forget to mention your name and callsign.

    Villmols Merci - Vielen Dank - Many Thanks

    34 EUR for regular members
    8 EUR for family members living at the same address
    8 EUR for students
    17 EUR for special callsigns

    Compte Chèque Postal (CCPLLULL) of the RL: LU11 1111 0321 8780 0000

  • RL Grillfest 2017

    Lëtzebuergesch Wéi schonn ugekennegtass dat traditionellt Grillfest fir d'RL Memberen den 25. Mee um Bridel am Scouts-Home "Däreldéieren". Eng Kaart wou et genau ass, a weider Detailler, fannt dir am Flyeroder am Bulletin 1/17.

    Français Commé annoncé le BBQ traditionel pour les membres du RL sera cette année-ci le 25 mai au Bridel dans le chalet scout "Däreldéieren". Une carte de la localisation et plus de détails se trouvent dans le Flyerou le Bulletin 1/17.

    Deutsch Wie schon angekündigt wird das traditionelle Grillfest für die RL Mitglieder dieses Jahr am 25. Mai im Scout-Home "Däreldéieren" in Bridel stattfinden. Eine Karte und weitere Details kann man im Flyeroder im Bulletin 1/17 finden.


    English  As alredy announced the traditional BBQ for the RL members will be organised this year on May 25th in the Scout Home "Däreldéieren" at Bridel. A map of the location and further details can be found on the Flyeroder in the Bulletin 1/17.

     

  • RL QST Emissiounen 2017

    Lëtzebuergesch Hei fannt dir d'QST Emissiounen vum RL vun 2017.

  • SaarLorLux-Treffen LX8SAR

    Wéi schonn am Bulletin ugekënnegt ass d’SaarLorLux Treffen dëst Joer vu Freides dem 16. bis Sonndes dem 18. Juni zu Weicherdang am SNJ Jugendzentrum. Dir sidd wëllkomm fir do ee flotte Weekend mat de Kollegen aus der Groussregioun ze verbréngen, oder si dohi besichen ze goen. Et wäert natierlech eng Statioun opgeriicht ginn, fir QSOen op deene verschiddene Bänner ze maachen. Folgende Programm ass fir déi 3 Deeg zu Lëtzebuerg geplangt:

    • Freides, 16. Juni, Arrivée a Begréissung sou wéi Funkbetrib mam Sonderruffzeechen "LX8SAR".
    • Samschdes, 17. Juni, um 10 Auer Visite vun engem Musée zu Dikkrich.
    • Um 19 Auer Hamfest am Jugendzentrum vu Weicherdang.
    • Sonndes, 18. Juni ass ee gemeinsamt Mëttegiessen
    • Dono géint 15 Auer wäerten d’Leit sech dann op den Heemwee maachen.

    Falls dir och am Jugendzentrum wëllt schlofen, kennt der iech beim Heinz DK4XC () mellen.