2014

  • Congrès National UBA 2014

    Lëtzebuergesch Op Invitatioun vum ON7TK, Claude van Pottelsberghe de la Potterie, President vun der UBA , hunn 2 RL Memberen um Congrès National UBAdeelgeholl.

    Dëst Joer war de Kongress den 10. Mee 2014, organiséiert vun der Sectioun La Louvière. De Jeng LX1JM a Mich LX1KQ sinn um 9:15 zu La Louvière ukomm a si vum ON7TK Claude an ON7LX Carine begréisst ginn.

    Vun 10:00 bis 12:30 wore Virféierung iwwer D-Star an DMR geplangt. Den Roger ON7BE huet de Workshop iwwer D-Star geleet, de Patrick ON4PN deen iwwer DMR. Dës Workshoppen hunn alle Kéier iwwer eng Stonn gedauert, an et ass een theoretesch a praktesch zu dësen 2 digitale Betriebsarten informéiert ginn. An den Pausen haten den LX1JM an LX1KQ d'Geleeënheet eppes z’iessen an ze drénken a sech mat verschidden Amateuren auszetauschen, wéi dem Hans PB2T, President vun der IARU Regioun 1, an dem Président d'Honneur vun der UBA, Gaston Bertels ON4WF.

    Den ON4PC Filip Schollaert, Koordinator fir onbemannte Statioune fir d’UBA an IARU Regioun 1 gouf vum Jeng a Mich iwwer déi neiste Progrèse vun neie Relais-Statiounen a Lëtzebuerg informéiert.

    Mëttes hunn den LX1JM an LX1KQ och un der Generalversammlung vun der UBA deelgeholl. Owes war e Galadinner als feierlechen Ofschloss, wou de Mich LX1KQ nach emol Merci gesot huet fir de flotten Dag. Hien huet dem Président d'Honneur Gaston Bertels ON4WF an dem erëmgewielten President vun der UBA Claude ON7TK den neien RL Wimpel iwwerreecht. An Zukunft well d’UBA a den RL nach méi enk zesummenschaffen. Schonn op der Hamradio 2014 zu Friedrichshafen gëtte BENELUX Stand opgeriicht, wou VERON, UBA an den RL zesumme vertruede sinn.

    Weider Fotoen gin et hei: http://www.rlx.lu/qrz/media/photos/57-friederich-mich/album?albumid=81

  • RL Grillfest 2014

    Lëtzebuergesch Den 29.05.2014 hat den RL op séin grousst Grillfest invitéiert.

    Em déi 30 Leit haten den Wee op Eesebur fonnt fir zesummen ze grillen.

    D’ Wieder hat matgespillt, sou dass et en groussen Erfolleg wor, wat motivéiert fir dat Grillfest d’ nächst Joer ze widderhuelen. Wei een op den Fotoen gesäit wor fir jiddereen eppes derbäi, egal op grouss oder kleng.

    Nom iessen hunn sech vill Leit an den Schack zréck gezunn wou den LX1IQ eng D-Star Demonstratioun gemaach huet.
    Hien huet den vollen Funktiounsëmfang vum LX0DRJ erkläert.
    En ganzen Koup OM ‘en haten och hiert eegent D-Star Gerät derbäi an hunn äifreg Froen gestallt.

    Weider Fotoen vun dësem Event fannt dir hei:
    http://www.rlx.lu/qrz/media/photos/lx1om/album?albumid=80

  • RL QST Archiv 2014

    QST Emissiounen Archiv 2014