Kräizschelle Workshop

Well de ClubOwend virun e puer Méint wou mer 2m/70cm Yagi-Antenne gebaut hu Succès hat, wollte mer fir de ClubOwend vum 27. November rëm proposéieren fir eppes ze bauen.

Des Kéier ass et eppes wat prinzipiell souwuel fir Kuerzwellen- wéi fir Amateuren déi op méi héije Frequenzen aktiv sinn kéint intressant sinn: et gi Kräizschelle selwer gemaach, zu intressante Präisser.

Et kann een 3 verschidden Gréissten vun Zentral-Placken wielen. D’Schellen ginn et vun 32 bis 76 Millimeter. De Präis wäert 8, 9 oder 10 Euro sinn, jee no Modell.

D’Umeldung ass bis de 15. November beim Jean-Claude per Mail : . Präziséiert dobäi w.e.g. wat fir ee Modell der wëllt bauen, dass mer d’Material am Viraus kenne preparéieren.

LX9YL - A success story

English An international YL (Young Ladies) Team was active from Eisenborn (Luxembourg city neighborhood) between August 7th and 10th, 2015. The group consisted of Dora HB9EPE, Johanna DJ5YL, Mado F1EOY, Christine F4GDI, Claudine F5JER, Tina DL5YL, Evelyne F5RPB, and Sophie F4DHQ. 5 stations have been set up and around 4800 QSOs were logged for the 160 to 6m band range in CW, SSB and Digital (PSK31, 63, 125 and RTTY).

The log is available via Clublog and the QSL cards are settled via the Luxembourg QSL Bureau by Philippe/LX2A.

The whole story can be read in the next RL bulletin.

Lëtzebuergesch Wei annoncéiert hu sech YLen aus 4 verschiddene Länner vum 7. bis den 10. August zu Esebur getraff fir mat LX9YL ze funken. Schlussendlech goufe 5 Statiounen opgeriicht an et konnten an deene 4 Deeg em déi 4800 QSOen gemaach ginn. Niewelaanscht ass och zesummen diskutéiert a gefeiert ginn, a si waren sech op Betzder de Kontroll-Center vun der SES ukucken.

E Bericht iwwert des Funk-Aktivitéit wäert am nächsten Bulletin publizéiert ginn.

JOTA-JOTI 2015 Informatiounsversammlung

Lëtzebuergesch Léif JOTA Coordinateuren,

All Joer fënnt den Jota-Joti (Jamboree On The Air an Jamboree On The Internet) statt. Dëst ass en Weekend wou Guiden a Scouten aus der ganzer Welt iwwert Funk an Internet mateneen kommunizéieren.

Mir, wëllen dech an jiddereen deen interesseiert ass häerzlech op eng Informatiounsversammlung iwwert des Aktivitéit invitéieren.

Niewent deenen Froen wei: "Waat brauch ech vun Material?, Wou fannen ech en Amateurfunker (fir Scoutsgruppen)?, Wou fannen ech e Scoutsgrupp (fir Amateurfunker)?, Wéi leeft esou e Weekend of?, Muss een do vill präparéieren?, …", gi mir awer och Neierungen zum nationale JOTA-JOTI Weekend bekannt wou mer probéiere wëllen all Joer eng bestëmmte Kommunikatiounsform ze förderen. Wéi eng et dëst Joer ass kritt der hei mat enger Demo erkläert.

Dess Informatiounsversammlung ass den 4. Juli 2015 um 18:00 Auer an der FNEL Verbandszentral (61A, rue de Trèves, an der Stad).

Lénks Patt, 73, a bis geschwënn,

D'Team vun dem "Scouting in Luxembourg" Aarbechtsgrupp Alexander Graham Bell (aalt JOTA-JOTI Team).

RL Grillfest 2015

RL Grillfest 2015

Lëtzebuergesch Och dest Joer hat den RL nees op séin grousst Grillfest invitéiert.

Tëschent  30 an 40 Leit haten den Wee op Eesebur fonnt fir zesummen ze grillen. Also eng Hand voll méi wéi d' lescht Joer.

D’ Wieder hat och matgespillt, sou dass et en groussen Erfolleg wor.

Dass souvill Leit do woren beweist, dass et den Leit d' lescht Joer gefall huet an motivéiert fir dat Grillfest d’ nächst Joer ze widderhuelen.

Wéi een op den Fotoen gesäit wor fir jiddereen eppes derbäi, egal op grouss oder kleng.

Nom Iessen hunn sech vill Leit an den Schack zréck gezunn wou den LX1IQ eng D-Star Demonstratioun gemaach huet. En ganzen Koup OM’en haten och hiert eegent D-Star Gerät derbäi an hunn äifreg Froen gestallt. Si woren begeeschtert dass den RL elo schonn 3 D-Star Relaisen huet an waarden gespaant op den 4 Relais um Ronnebësch.

Weider Fotoen vun dësem Event fannt dir hei: Album 1 - Album 2

Youngsters On The Air - LX4YOTA 2014

Lëtzebuergesch Am Kader vum Youngsters On The Air Working Group vun der IARU Region 1 ass vum 1. bis den 31. Dezember 2014 de YOTA Mount. An deem Mount sollen international, speziell Jugend-Statioune QRV ginn, fir d’Äiss e bëssen ze briechen, dass jonk Leit rëm méi de Mikro an de Grapp huelen. Lëtzebuerg wäert mam Ruffzeechen LX4YOTA matmaachen.

Jonk Memberen déi och dat Ruffzeeche wëllen während engem oder e puer Deeg aktivéieren, kenne sech beim Youth-Koordinator Ralph LX1RS () a beim President Mich LX1KQ () mellen.

Méi Informatiounen iwwer déi aner Statiounen déi matmaachen an d’Konditioune fir den Diplom ze kréien, fannt dir ënner http://www.ham-yota.com/

English In order to promote amateur radio amongst young people, the Youngsters On The Air Working Group IARU Region 1 inititated the YOTA Month from December 1st to December 30th, 2014. Luxembourg will participate with the callsign LX4YOTA, which youngsters can activate during a few days.